पाँचथर: श्रीमतीको हत्या गरी फरार रहेका एक पुरुषलाई प्रहरीले पक्राउ गरेको छ । पाँचथरको मिक्लाजुङ ३ स्थित माइती घरमा रहेकी श्रीमती गोमा फियाकलाई हत्या गरी सासू कान्छिमाया र छिमेकी महेन्द्र श्रेष्ठलाई खुकुरी प्रहार गरेर फरार रहेका तुम्वेवा ४ निवासी असफल कुरुम्वाङलाई प्रहरीले पक्राउ गरेको हो ।
पाँचथरका प्रहरी निरीक्षक दिवस कुँवरका अनुसार कुरुम्वाङले पुस २६ गते साँझ ८ बजे घरायसी विवादमा मिक्लाजुङ गाउँपालिका ३ आरुबोटेस्थित माइती घरमा रहेकी ३५ वर्षीय श्रीमती गोमा फियाकको खुकुरी प्रहार गरी हत्या गरेका थिए ।
खुकुरी प्रहारबाट छिमेकी महेन्द्र श्रेष्ठ र सासूआमा कान्छिमाया फियाक घाइते भएका छन् । उनीहरूको झापास्थित बी एन्ड सी अस्पतालमा उपचार भइरहेको प्रहरीको भनाइ छ ।
