सुनसरी : भोजपुर जिल्लाको षडानन्द नगरपालिकाले बालाचतुर्दशी पर्वका अवसरमा लाग्ने मेलाका लागि दुई दिन सार्वजनिक बिदा दिने भएको छ ।
गत मंसिर १ गते बुधबार बसेको कार्यपालिकाको बैठकको अनुसार बालाचतुर्दशी मेलाको अवसरमा दुई दिन बिदा दिन लागिएको नगरपालिकाका प्रमुख प्रशासकीय अधिकृत गणेश बिक्रम बस्नेतले जानकारी दिएका हुन् ।
उनका अनुसार मंसिर १६ गते र १७ गते नगर क्षेत्रको स्थानीय बिदा र १८ गते शनिबार रहेका कारण बिदा दिएको छ । उनका अनुसार नगरपालिकाअन्तर्गतका विषयगत कार्यालयहरू, वडा कार्यालयहरू, स्वास्थ्य संस्था ( आकस्मिक बाहेका) र विद्यालय बन्द रहनेछन् ।
नगरपालिकाले धार्मिक अवसरमा लाग्ने मेलाको अवसरमा स्थानीय बिदा दिने निर्णय गरेको छ । यो मेलामा जिल्लाका साथै छिमेकी जिल्ला सङ्खुवासभा , खोटाङ र आसपासका जिल्लाबा समेत मेला हेर्न आउने गर्दछन् ।
