फागुन ७, कास्की – पोखरामा यात्रुबाहक बस दुर्घटना हुँदा ५१ जना घाइते भएका छन् । घाइते हुनेहरूमा धेरै विद्यार्थी रहेका छन् ।
पोखरा–बेगनास ताल रुटमा चल्ने ग १ ख ६७४७ नम्बरको बस पृथ्वी राजमार्गमा रहेको पोखरा महानगरपालिका–२७ डाँडाको नाक प्रहरी चाैकी नजिक सडकबाट तल खोल्सामा खसेको थियो ।
घाइतेहरूको अवस्था सामान्य रहेको अस्पतालले जानएको छ । घाइतेहरूको पश्चिमाञ्चल क्षेत्रीय अस्पतालसहित अरू विभिन्न अस्पतालमा उपचार भइरहेको जिल्ला प्रहरी कार्यालय कास्कीका प्रहरी निरीक्षक ज्ञानबहादुर खड्काले बताउनुभयो ।
भोलि साेमवार पोखरा विश्वविद्यालयको दीक्षान्त समारोहका लागि लगाउने पोसाक लिएर फर्कँदै गरेका विद्यार्थीहरू दुर्घटनामा परेका प्रहरीले जनाएको छ ।
