हेटौँडा: हेटौँडा बजारक्षेत्रमा रहेको स्कुलरोडचोकदेखि शितलमहलचोकसम्मको पारिजातपथ सडक खाल्डाखुल्डीले भरिन थालेको छ ।
सम्बन्धित निकायमा पटक–पटक खबरदारी र ध्यानाकर्षण गराउँदा पनि सरोकारवाला निकायले काम नगरेपछि एक महिना अगाडि विप्लप नेतृत्वको नेपाल कम्युनिष्ट पार्टी निकट युवा संगठनले हेटौँडाको स्कुलरोडचोकदेखि शितलमहलचोकसम्मको पारिजातपथ सडकका खाल्डाखुल्डीमा बालुव राखेर पुरेका थिए । बालुवा पानीले बगायो, सडक पुनः उही अवस्थामा आयो, तर हेटौँडा उपमहानगरपालिकाले चासो राखेन ।
धेरै समयदेखि बजारक्षेत्रका प्रमुख सडकमा खाल्डाखुल्डी भएर दुर्घटनाको जोखिम रहे पनि उपमहानगरपालिकाको कार्यालयको ध्यान भने गएको छैन ।
