सुनसरी / सुनसरीको कोसीमा मोटरसाइकलको ठक्करबाट एक जनाको मृत्यु भएको छ ।
मंगलबार राति सुनसरीको कोसी गाउँपालिका–१ जमुवास्थित पूर्व–पश्चिम राजमार्गमा तत्काल नम्बर नखुलेको मोटरसाइकलले ठक्कर दिदाँ एक पैदलयात्रीको मृत्यु भएको हो ।
मृत्यु हुने पुरुष अन्दाजी ५५ वर्षीय रहेका छन् । उनको नाम, थर, वतन तत्काल नखुलेको प्रहरीले जनाएको छ । ठक्कर दिने सवारी साधन तत्काल फरार रहेकाले खोजी कार्य भइरहेको प्रहरीको भनाइ छ ।
