सुनसरी / इटहरीमा छुरा प्रहार गरी एक महिलाको हत्या भएको छ । आइतबार दिउँसो इटहरी १२ खनारमा छुरा प्रहारबाट ५० वर्षीय भूमि चौधरीको मृत्यु भएको हो ।
छुरा प्रहारबाट गम्भीर घाइते भएकी उनलाई उपचारका लागि विराटनगर लैजाने क्रममा बाटोमा मृत्यु भएको प्रहरीले जनाएको छ । छुरा प्रहारबाट उनको कोखमा गम्भीर चोट लागेको थियो ।
प्रहरीका अनुसार सोही स्थानमा २५ वर्षीय गणेश चौधरीले छुरा प्रहार गरेको खुलेको छ । प्रहरीले उनलाई नियन्त्रणमा लिएर घटनाबारे थप अनुसन्धान सुरु गरेको इलाका प्रहरी कार्यालय इटहरीले जनाएको छ ।
