हेटौँडा- हेटौँडा उपमहानगरपालिकाले शुक्रबार पहिलोपटक आफ्नो कार्यपालिका बैठक फेसबुक लाइभमार्फत प्रत्यक्ष प्रसारण गरेको छ। यसअघिका बैठकहरूमा विवाद भएपछि पारदर्शिता कायम गर्न यसो गरिएको हो।
बैठकमा मेयर मिना कुमारी लामा, उपमेयर राजेश कुमार बानियाँलगायत कार्यपालिका सदस्यहरू सहभागी थिए। बैठकले विभिन्न नगरस्तरीय आयोजना, खरिद प्रक्रियालगायतका विषयमा छलफल गरी निर्णयहरू गरेको थियो।
- Advertisement -
नगरप्रमुख लामाले भनिन्, “हामीले बैठक पारदर्शी बनाउन यसरी लाइभ गरेका छौँ। अब अरू निकायले पनि यस्तै गरून् भन्ने उद्देश्य छ।”
उपमहानगरपालिकाका अनुसार अबका बैठकहरू पनि लाइभ गरिनेछ। सामाजिक सञ्जालमा प्रत्यक्ष प्रसारणको चर्चा पनि भइरहेको छ। नागरिकहरूले सकारात्मक प्रतिक्रिया दिएका छन्।
