नुवाकोट | नुवाकोटको बेलकोटगढी नगरपालिका–७ मा यात्रुवाहक बस र मोटरसाइकल आपसमा ठोक्किँदा एक जनाको मृत्यु भएको छ । दुर्घटनामा परी मोटरसाइकलमा सवार २२ वर्षीय जीवन राईको निधन भएको हो।
दुर्घटना बुधबार दिउँसो २ बजे गल्छीबाट त्रिशुलीतर्फ जाँदै गरेको बा-३ ख ५५४७ नम्बरको बस र विपरीत दिशाबाट आउँदै गरेको बा-५८ प २८०४ नम्बरको मोटरसाइकल एक आपसमा ठोक्किँदा भएको थियो। मोटरसाइकल जोगाउने क्रममा बस अनियन्त्रित भई सडक किनारको ढुङ्गामा ठोक्किएको थियो।
- Advertisement -
बसमा सवार १८ जना यात्रु घाइते भएका छन्। उनीहरूको जिल्ला अस्पताल नुवाकोटमा उपचार भइरहेको प्रहरीले जनाएको छ। दुर्घटनाबारे थप अनुसन्धान भइरहेको छ।
