काठमाडौं । नेपालले आगामी वर्ष श्रीलङ्कामा आयोजना हुने यु-१९ विश्वकप क्रिकेटको यात्रा तय गरेको छ । बिहिबार एसिया क्षेत्र छनोट अन्तर्गत अन्तिम खेलमा युएईविरुद्ध ७ रनको रोमाञ्चक जित हात पार्दै नेपाल विश्वकपमा छनोट भएको हो ।
अब नेपालले सन् २०१६ पछि पहिलो पटक विश्वकप खेल्ने छ । अजमानको इडन ग्रार्डेन ओभलमा टस जितेर पहिले ब्याटिङ गरेको नेपालले ४८ ओभर ५ बलमा अलआउट हुँदै १ सय ९१ रन बनाएको थियो । नेपालका लागि कप्तान देव खनालले ५१ रन बनाएका थिए ।
प्रतियोगितामा नेपालसहित सिंगापुर, कुवेत, हङकङ, मलेसिया र आयोजक यूएईको सहभागीता रहेको थियो । जसमा नेपाल यसअघि खेलेका चार वटै खेलमा विजयी भएको थियो । नेपालले यसअघि सिङ्गापुर, कुवेत, हङकङ र मलेसियालाई पराजित गरेको थियो ।
