सुनसरी / इटहरीको बुढासुब्बामा प्रथम तालतलैया च्यालेन्ज कप फुटबल सुरू भएको छ ।
इटहरी २ स्थिति बुढासुब्बा खेल मैदानमा प्रथम तालतलैया च्यालेन्ज कपको आयोजनामा आज देखि असार ९ गतेसम्म फुटबल सुरू भएको छ । प्रतियोगिताको खेल इटहरी उपमहानगरपालिकाकि उपप्रमुख संगिता चौधरीले उद्घाटन गरेकी हुन् । हामीले खेलकुद क्षेत्रमा विभिन्न योजना बजेट पनि ल्याएको छौं र खेल क्षेत्रलाई हामी हौसला प्रदान गर्ने उनले बताइन् ।
आजको पहिलो खेल पंचायन एफ.सि., रामधुनी र पूर्वाञ्चल यूनाईटेड, सुन्दरहरैंचाको खेल रहेको छ । भोलि तालतलैया एफ.सी. ए, इटहरी २ र प्रकाशपुर एफ. सी., बराहक्षेत्रको खेल रहेको छ ।
प्रतियोगितामा कोशी प्रदेशका चारवटा जिल्लाका १० टिम सहभागी रहेका छन् । जसमा सुनसरी , मोरङ , झापा र उदयपुरका विभिन्न टिम गरी १० टिमको सहभागी हुने छ ।
प्रतियोगितामा विजयी टिम नगद ५१,००० हजार उपविजेता टिमलाई नगद ३१,००० सहित ट्रफी , मेडल र प्रमाणपत्र प्रदान गरीने भएको छ । खेलमा कुल लागत १२ लाख ३२ हजार हुने तालतलैया फुटबल कपका अध्यक्ष शंकर राईले बताए । खेलमा हरेक खेलको म्यान अफ दि पुरस्कार ,विभिन्न विधामा उत्कृष्ट खेलाडीलाई पुरस्कार प्रदान गरीने भएको छ ।
