काठमाडौं । नेपालले आयरल्यान्ड ‘ए’ विरुद्धको टी–२० सिरिज जितेको छ। त्रिभुवन विश्वविद्यालय क्रिकेट मैदानमा मंगलबार भएको खेलमा नेपालले आयरल्यान्डलाई ७१ रनले हरायो। यससँगै नेपालले २ खेलको सिरिजलाई २-० ले ‘क्लिन स्वीप’ गर्यो।
पहिलो खेलमा पनि नेपालले ६ विकेटले जित हासिल गरेको थियो। मंगलबारको खेलमा टस हारेर ब्याटिङ गरेको नेपालले २० ओभरमा ७ विकेट गुमाएर १९८ रन बनायो। नेपालका गुलशन झाले ४६ रनको अर्धशतकीय पारी खेले।
लक्ष्य पछ्याउने क्रममा आयरल्यान्ड १८.३ ओभरमा सबै विकेट गुमाएर १२७ रनमा समेटियो। स्टेफेन डुहेनी (२६) र मोर्गान टोपिङ (२१) बाहेक अरु कसैले दोहोरो अंकमा रन बनाउन सकेनन्।
बलिङतर्फ नेपालका कुशल मल्ल र सोमपाल कामीले ३/३ विकेट लिए। उनीहरुलाई करण केसी, कुशल भुर्तेल र विवेक यादवले समर्थन गरे।
पहिलो पटक घरेलु मैदानमा आएको आयरल्यान्ड ‘ए’ विरुद्ध यो महत्वपूर्ण जित हो। यसले नेपालीहरुलाई आगामी एकदिवसीय विश्वकप छनोट प्रतियोगिताका लागि उत्साह थपेको छ।
