काठमाडौं | मौसम पूर्वानुमान महाशाखाले आज देशका विभिन्न भागमा वर्षाको सम्भावना रहेको जनाएको छ। मनसुनी वायुको प्रभावका कारण देशभर साधारणतया बदली रहेको छ।
बागमती प्रदेशमा दिउँसो केही स्थानमा हल्कादेखि मध्यम वर्षा हुने र एकदुई स्थानमा ठूलो वर्षाको सम्भावना रहेको छ। राति आंशिकदेखि साधारणतया बदली रहने अनुमान गरिएको छ।
अन्य प्रदेशहरूमा पनि वर्षाको सम्भावना देखिएको छ। कोशी, गण्डकी र कर्णाली प्रदेशमा दिउँसो केही स्थानमा हल्कादेखि मध्यम वर्षा हुन सक्ने बताइएको छ। गण्डकी, लुम्बिनी, कर्णाली र सुदूरपश्चिम प्रदेशमा राति केही स्थानमा हल्कादेखि मध्यम वर्षाको सम्भावना रहेको छ।
विशेषगरी कोशी, लुम्बिनी र सुदूरपश्चिम प्रदेशका एकदुई स्थानमा राति ठूलो वर्षाको सम्भावना रहेको महाशाखाले जनाएको छ। देशभर आंशिकदेखि साधारणतया बदली रहने र धेरैजसो स्थानमा चट्याङ्गसहित वर्षाको सम्भावना रहेको पूर्वानुमान गरिएको छ।
मौसम विभागको यो पूर्वानुमानले बागमती प्रदेशमा विशेष सतर्कता अपनाउनुपर्ने देखाएको छ ।
