काठमाडौं । तारा एयरको विमान दुर्घटना परी निधन भएका सबैको शव भेटिएको र थप १२ शवलाई आजै काठमाडौं ल्याउने तयारी भइरहेको नेपाली सेनाका प्रवक्ता नारायण सिलवालले जानकारी दिएका छन् । फेला परेका १० वटा शव हिजै काठमाडौं ल्याइसकिएको छ ।
आइतबार पोखराबाट जोमसोम जाँदै गरेको उक्त विमान मुस्ताङको मानापाथी हिमालको फेदमा दुर्घटना भएको थियो । दुर्घटनास्थलमा शव खोजीका लागि नेपाली सेना, सशस्त्र प्रहरी र नेपाल प्रहरी परिचालन गरिएका थिए।
विमान दुर्घटनामा चालक दलका सदस्यसहित २२ जनाको मृत्यु भएको हो । आइतबार सम्पर्कविहीन भएको विमान सामेबार बिहान फेला परेको थियो ।
