धनगढी । कैलालीमा एक दम्पत्ति मृत अवस्थामा फेला परेका छन् ।
जिल्लाको गोदावरी नगरपालिका वडा नम्बर ७ हरैंयामा ६५ वर्षीय हेमबहादुर ऐर र उनी ५५ वर्षीया श्रीमती पदमा ऐर मृत फेला परेका हुन् । हेमबहादुर घर बाहिर झुण्डिएको अवस्थामा र पदमा घरभित्रै बिस्तरामा घाँटी रेटिएको अवस्थामा मृत फेला परेको जिल्ला प्रहरी कार्यालय कैलालीले जनाएको छ ।
घटनाकाे प्रकृति हेर्दा श्रीमानले पत्नीको ह’त्या गरेर आ’त्मह’त्या गरेको हुनसक्ने कैलाली प्रहरी प्रबक्ता डीएसपी वेदप्रकाश जोशीले बताए । उनका अनुसार घटनास्थलमा एउटा खुकरी फेला परेको छ।
घटना थप अनुसन्धान भइरहेको जिल्ला प्रहरी कार्यालय कैलालीले जनाएको छ।
