सुनसरी / मोरङको केराबारीमा धरानका एक जना युवकको पौडी खेल्ने क्रममा डुबेर मृत्यु भएको छ ।
धरान उपमहानगरपालिका-६ पानमाराका २३ वर्षीय इशान बहादुर कार्कीको मोरङको केराबारी गाउँपालिका- ६ स्थित हुरहुरे खोलामा पौडी खेल्ने क्रममा डुबेर कार्कीको मृत्यु भएको १ नम्बर प्रदेश प्रहरी कार्यालय विराटनगरले जनाएको छ ।
डुबेको अवस्थामा फेला पारेका आफन्तले उपचारको लागि धरानस्थित वीपी कोइराला स्वास्थ्य विज्ञान प्रतिष्ठान लगिएपनि चिकित्सकले मृत घोषणा गरेको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।
