सुनसरी : इनरुवाको सखुवागाछि धानखेतमा हिजो राति फिस्टेल एयररको हेलिकप्टर आकस्मिक अवतरण भयो ।
काठमाडौंबाट विराटनगरका लागि उडेको विमान हेलिकप्टर साँझ इनरुवाको सखुवागाछि खण्डको धानखेतमा अवतरण भएको हो । सुनसरी प्रहरीका अनुसार खेतमा ल्याण्ड 9N-ll हेलिकप्टर सुरक्षित साथ अवतरण भयो ।
हेलिकप्टर चार जना सवार यात्रु सकुशल उत्रिएका छन् । सुनसरी प्रहरीका अनुसार काठमाण्डौंबाट उडेको हेलिकप्टर निर्धारित समय भित्र बिराटनगरको एयरपोर्ट पुग्न नसक्दा इनरुवामा ल्याण्ड भएको हो ।
निर्धारित समय भन्दा ढिला भएकाले एयर ट्राफिक कन्ट्रोलको “जहाँ छ त्यहीँ अवतरण गर्नु ” भन्ने निर्देशन बमोजिम पाइलटले सखुवागाछीमा हेलिकप्टर अवतरण गराएको प्रहरीको भनाई रहेको छ । हेलिकप्टरलाई केही समस्या नभईकन इनरूवामा सुरक्षीत साथ अवतरण भयो ।
