काठमाडौं । नेकपा (एमाले)का अध्यक्ष केपी शर्मा ओलीले कीर्तिमान बनाएका क्रिकेटर सन्दीप लामिछानेलाई बधाई दिएका छन् ।
शुक्रबार सन्दीपले एक दिवसीय अन्तर्राष्ट्रिय क्रिकेटमा सबैभन्दा छिटो १०० विकेट पूरा गर्ने कीर्तिमान बनाएका थिए ।
ओलीले ओमानविरुद्ध जित निकालेको नेपाली टोलीलाई पनि बधाई दिएका छन् ।
“पहिलो बधाई नेपाली क्रिकेट टिमलाई ओमानविरुद्धको खेल जितेकोमा । दोस्रो बधाई सन्दीप लामिछानेलाई, ओडीआई क्रिकेटमै १००औँ विकेट लिएर विश्व कीर्तिमान राखेकोमा । अनि तेस्रो कुशल मल्लको कीर्तिमानी शतकका लागि,” ओलीले भनेका छन् ।
