तनहुँ | तनहुँको आँबुखैरेनी गाउँपालिकामा जङ्गली च्याउ सेवन गरेपछि एक व्यक्तिको मृत्यु भएको छ। जिल्ला प्रहरी कार्यालयका अनुसार, आँबुखैरेनी गाउँपालिका-६ हिलेखर्कका ८५ वर्षीया द्रोणपति गुरुङको चितवनको अस्पतालमा उपचारको क्रममा शुक्रबार मृत्यु भएको हो।
प्रहरी नायब उपरीक्षक दीपककुमार रायले दिएको जानकारी अनुसार, असार १ गते डिलबहादुर गुरुङले जङ्गलबाट ल्याएको च्याउ खाएपछि उनीसहित चार जना बिरामी परेका थिए। अन्य बिरामीहरूको अवस्था भने खतरामुक्त रहेको बताइएको छ।
