मकवानपुर । आज पहाडी तथा हिमाली भेगका केही स्थानमा आज हल्का वर्षाको सम्भावना रहेको छ। जल तथा मौसम विज्ञान विभाग, मौसम पूर्वानुमान महाशाखाका अनुसार देशका अन्य धेरैजसो भूभागमा भने मौसम मुख्यतया सफा रहनेछ।
महाशाखाका अनुसार कोशी र बागमती प्रदेशका पहाड तथा हिमालका थोरै स्थानमा वर्षाको सम्भावना छ। यस्तै गण्डकी, लुम्बिनी, कर्णाली र सुदूरपश्चिम प्रदेशका पहाडी तथा हिमाली भूभागका एक-दुई स्थानमा पनि हल्का वर्षा हुन सक्नेछ।
आज हिमाली र पहाडी क्षेत्रमा सामान्य बदली रहनेछ भने तराईका भूभागमा आंशिक बदली रहने मौसम पूर्वानुमान महाशाखाले जनाएको छ।
