काठमाडौं – भारतबाट पेट्रोलियम पदार्थको मूल्य बढेर आएको छ। तर, नेपाल आयल निगमले भने नेपालमा पेट्रोल, डिजल र ग्यासको मूल्य नबढाउने भएको छ।
निगमका प्रवक्ता विनोद भट्टराईले शुक्रबार जारी गरेको प्रेस विज्ञप्तिमा भारतीय आयल कर्पोरेशनबाट पेट्रोलमा प्रति लिटर ०.२१ रुपैयाँ र डिजेलमा ०.८५ रुपैयाँ बढेर आएको उल्लेख गरिएको छ।
त्यस्तै, एलपी ग्यासको मूल्य प्रति सिलिन्डर २१.६६ रुपैयाँले बढेको छ। यसबाट प्रति सिलिन्डर ३२५.०९ रुपैयाँको नोक्सानी भएको निगमले जनाएको छ।
तर, मूल्य वृद्धि भएका पेट्रोलियम पदार्थको नयाँ मूल्य आउनुअघि नै नेपालमा मूल्य बढाउने योजना नरहेको निगमले स्पष्ट पारेको छ।
