काठमाडौं | हिन्दू धर्मशास्त्र अनुसार सोमबार भगवान शिवको विशेष दिन हो। यस दिन शिवको व्रत बसी पूजाआजा गरिन्छ। सोमबारको उपवासले मानिसको इच्छा र आकांक्षा पूरा हुने विश्वास छ।
सोमबारको व्रत सूर्योदयदेखि सूर्यास्तसम्म गरिन्छ। दिनभर शिव र पार्वतीको पूजा तथा आराधना गरिन्छ, तर कुनै पनि पूजाअघि गणेशको पूजा अनिवार्य मानिन्छ। खाना बेलुकाको आरती सकिएपछि मात्र खाइन्छ। अविवाहित महिलाहरूले असल पति पाउनका लागि सोमबार व्रत बस्ने परम्परा पनि छ।
सोमबारको व्रतले ज्ञान प्राप्ति हुने र मानिसका इच्छाहरू पूरा हुने विश्वास छ। यो दिन हिन्दू धर्मावलम्बीहरूका लागि विशेष महत्त्व राख्छ, विशेषगरी शिव भक्तहरूका लागि।
आज २०८१ साल असार १० गते सोमबार, तदनुसार सन् २०२४ जुन २२ तारिख हो। हिन्दू पञ्चाङ्ग अनुसार यो असार कृष्ण पक्षको तृतीया तिथि हो।
