राैतहट । रौतहटको मौलापुर नगरपालिका–२ मर्यादपुरस्थित मौलापुर–शीतलपुर सडकखण्डमा गएराति मोटरसाइकल दुर्घटना हुँदा एक वृद्धाको मृत्यु भएको छ भने दुई जना घाइते भएका छन्।
आज बिहान करिब १ बजे मौलापुरबाट शीतलपुरतर्फ जाँदै गरेको बा३७प ९९७७ नम्बरको मोटरसाइकल अनियन्त्रित भई दुर्घटनामा परेको प्रहरीले जनाएको छ। एकै मोटरसाइकलमा तीन जना सवार थिए।
दुर्घटनामा ७० वर्षीया सोमरिया देवी ठाकुर, उनका छोरा चालक ५३ वर्षीय त्रिविक्रम ठाकुर र बुहारी २८ वर्षीया सीमा कुमारी घाइते भएका थिए। घाइते तीनै जना फतुवा विजयपुर–२, शीतलपुरका हुन्।
उपचारका लागि बाराको कलैयास्थित राजलक्ष्मी अस्पताल लगिएकामध्ये सोमरिया देवीको बिहान ५ बजे उपचारका क्रममा मृत्यु भएको हो।
घाइते त्रिविक्रम र सीमा कुमारीको सोही अस्पतालमा उपचार भइरहेको छ।
