अन्तर्राष्ट्रियसुनामीका कारण जापानमा १ लाख ४९ हजार जनाको ज्यान जान सक्ने

सुनामीका कारण जापानमा १ लाख ४९ हजार जनाको ज्यान जान सक्ने

होक्काइदो । सुदुर उत्तरमा रहेको प्रिफेक्चर होक्काइदोमा शक्तिशाली भुँइचालो गयो र सुनामी आयो भने १ लाख ४९ हजार जनाको ज्यान जान सक्ने होक्काइदो सरकारले बिहिबार सार्वजनिक गरेको क्षतिसम्बन्धी प्रक्षेपणले देखाएको छ ।

यो केन्द्र सरकारले गरेको प्रक्षेपणको तुलनामा करीब १२ हजार धेरै हो । जोखिमयुक्त स्थानबाट प्रभावितहरुको स्थानान्तरण तत्कालै प्रभावकारी रुपमा गर्न सकियो भने मर्नेको संख्यामा उल्लेख्य कटौती गर्न सकिने पनि प्रतिवेदनमा बताइएको छ ।

केन्द्र सरकारको प्रक्षेपणमा जापान ट्रेञ्च र चिशिमा ट्रेञ्चमा विनाशकारी भुइँचालो गयो र सुनामी निम्त्यिो भने यसबाट होक्काइदोदेखि टोकियोसम्म अनि देशका अन्य क्षेत्रमा के कस्ता क्षति हुन सक्छ भन्ने अनुमान गरिएको छ । होक्काइदो सरकारले अहिलेसम्म भएका भौगोलिक सर्वेक्षणहरुबाट प्राप्त तथ्यांक अनि जोखिमयुक्त स्थानबाट बाहिरिने मार्ग र सुनामी आउने स्थानबाट जोखिमयुक्त स्थानको दूरी आदिका आधारमा प्रक्षेपण संसोधन गरेको थियो ।

जापान वा चिशिमा ट्रेन्चमा महाविनाशकारी भुँइचालो आयो भने होक्काइदो समेत सात ओटा प्रिफेक्चरमा १ लाख ९९ हजार जनाको मृत्यु हुने सक्ने अनुमान डिसेम्बरमा केन्द्र सरकारले गरेको थियो ।

सो प्रक्षेपणअनुसार सबैभन्दा खराब अवस्थामा होक्काइदोमा मात्रै १ लाख ३७ हजार जनाको मृत्यु हुन सक्ने छ । घरभित्र भएको समयमा लुक्ने वा आश्रय लिने राम्रो ठाउँ नहुँदा होक्काइदोमा मात्रै १९ हजार जनासम्मले ज्यान गुमाउन सक्ने अनुमान केन्द्र सरकारले गरेको छ । होक्काइदो सरकारको अनुमानमा यो संख्या ६६ हजार जना छ । महाविनाशकारी भुकम्पमा पूर्ण रुपमा क्षतिग्रस्त हुुने भवनको संख्या पनि १ हजार ७०० ले बढाएर ६ हजार २०० मा पुर्याइएको छ । विपद् रोकथाम शिक्षा र जनचेतनाका लागि नयाँ प्रक्षेपणको प्रयोग गर्ने होक्काइदो सरकारले बताएको छ ।

होक्काइडो जापानको दोस्रो ठूलो टापु हो र यसको आफ्नै क्षेत्र बनाउँदै सबैभन्दा ठूलो र उत्तरी प्रान्त समावेश गर्दछ।

प्रकाशित मिति :

प्रतिक्रिया दिनुहोस्

LEAVE A REPLY

Please enter your comment!
Please enter your name here

संबन्धित समाचार

सिफारिस

यो साता चर्चामा

धेरै पढिएका

सुनसरी / धरान उपमहानगरपालिका- २० मा वृद्धा महिलाको गरगहना लुटी ह´त्या गर्ने पक्राउ धरान २० का १८ वर्षका निखिल पक्राउ गरिएको छ । धरान- २०...
काठमाण्डौं । राष्ट्रहित विरुद्धको नागरिकता विधेयक पास गरी कानून बनाएर देशको अस्तित्व नै समाप्त पार्ने दुस्प्रयासलाई राष्ट्रपतिले असफल बनाइदिएको नागरिकता अध्ययन कार्यदलको ठहर छ...
आज श्री शाके १९४४ बि.स.२०७९ असोज ५ गते बुधबार इश्वी सन २०२२ सेप्टेम्बर २१ तारीख आश्विन कृष्णपक्ष एकादशी तिथी तिष्य नक्षत्र परिघ योग वव...

धेरै कमेन्ट गरिएका