स्वास्थ्य विज्ञका अनुसार चिसो मौसममा केही खानेकुराले तौल घटाउनुका साथै पेटको बोसोलाई पनि कम गर्न निकै प्रभावकारी भूमिका निभाएको हुन्छ ।
गाजर-:
फाइबरले भरपुर गाजरलाई पचाउन शरीरलाई सहज हुँदैन । यसैकारण यो खाएको घण्टौंसम्म पनि भोक लाग्दैन । स्वभाविक रुपमा यदि मानिसहरुलाई भोक लाग्दैन भने उसको तौल कम हुनु पक्कै छ ।
चुकन्दर:-
चुकन्दरमा तौल घटाउने फाइबर पाइन्छ । यसमा क्यालोरीको मात्रा पनि निकै कम हुन्छ भने यसमा फ्याट शून्य प्रतिशत हुन्छ भन्दा फरक पर्दैन । जसले तौल बढ्न नदिइ भएको बोसोलाई पनि बिस्तारै कम गर्न मद्दत गर्छ ।
दालचीनी:-
भान्सामा पाइने दालचीनीले पनि चिसोयाममा तौल घटाउने गर्छ । जर्नल अफ न्यूट्रिशनल साइन्स एण्ड भिटामिनोलोजीका अनुसार दालचीनीमा पाइने सिनमोल्डेहाइड फ्याटले मेटाबोलिजमलाई सन्तुलित राख्छ । यसले इन्सुलिन पनि नियन्त्रणमा हुन्छ ।
मेथी:-
चिसो मौसममा मेथीको दाना तौल घटाउनका लागि कुनै गुणकारी औषधीभन्दा कम छैन । मेथीको दानाले रगतमा चिनीको मात्रालाई नियन्त्रणमा ल्याउँछ र इन्सुलिनको श्रावलाई बढाउने गर्छ ।
अम्बा:-
जाडोयाममा पाइने अम्बाले पनि घण्टौंसम्म भोकलाई नियन्त्रणमा राख्न सक्छ । यसले तपाईंको शरीरका लागि आवश्यक फाइबरको दैनिक आवश्यकतालाई १२ प्रतिशतसम्म पूरा गर्न सक्छ । यो फल मानिसहरुको मेटाबोलिजमका लागि पनि निकै फाइदाजनक छ ।
पानी:-
चिसो मौसममा पानीको कमीले शरीर डी–हाइड्रेट हुने खतरा बढी रहन्छ । डी हाइड्रेशनका कारण मेटाबोलिजम सिस्टममा खराब असर पर्ने गर्छ ।
फ्रेश खानेकुरा:-
चिसो मौसममा मानिसहरु धेरैजसो प्याकेटमा बन्द वा प्रोसेस्ड फूडको प्रयोग गर्छन् । यस्तो प्रकारको खानामा सोडियम र सुगरको मात्रा निकै धेरै हुन्छ जसका कारण तीब्र रुपमा तौल बढ्ने गर्छ ।
