सुनसरी : झापाको भद्रपुर नगरपालिका- ७ मा माछा मार्ने क्रममा करेन्ट लागेर ४० बर्षीय भोटलाल गणेश राजबंशीको मृत्यु भएको छ ।
हिजो माछा मार्ने क्रममा करेन्ट लागेर घाईते भएका राजबंशीको मेची झापाको अस्पताल भद्रपुरमा उपचारको क्रममा हिजो बेलुका साढे ५ बजे मृत्यु भएको जिल्ला प्रहरी कार्यलय झापाले जनाएको छ ।
झापा मेचीनगर नगरपालिका- ४ स्थित आमडागीमा रहेको ईलाम टि प्रोडुसर प्रा.लि.को भबन बनाउने मजदुर रहेका राजबंशी सोही निर्माधिन भवन नजिकै रहेको खोल्सीमा करेन्ट लगाई माछा मार्ने क्रममा हिजो अपरान्ह साढे ४ बजे करेन्ट लागी घाईते भएका थिए । घटना सम्बन्धमा थप अनुसन्धान भइरहेको प्रहरीले जनाएको छ ।
