सुनसरी / इटहरी -२ मा पिकअपको ठक्करबाट मोटरसाइकल चालकको मृत्यु भएको छ भने एक जना घाइते भएका छन् ।
शुक्रबार करीब ८ बजेको समयमा इटहरी २ गंगा मार्गस्थित कोशी राजमार्गमा धरानबाट इटहरीतर्फ आउँदै गरेको प्र १–०२–००२ च ४६६२ नम्बरको पिकअप गाडीले सोही दिशातर्फ आउँदै गरेको को १६ प ५७२० नम्बरको मोटरसाइकललाई ठक्कर दिँदा इटहरी २ बस्ने २८ वर्षीय लोमस दाहालको मृत्यु भएको छन् ।
इलाका प्रहरी कार्यलय इटहरीका अनुसार मोटरसाइकलमा सवार इटहरी- ५ मा बस्ने २९ वर्षीय सरोज गुरागाईँ गम्भीर घाइते भएका छन् । उनको न्यूरो अस्पताल विराटनगरमा उपचार भइरहेको प्रहरीले जनाएको छ ।
पिकअप गाडी तीव्र गतिका कारण दुर्घटना भएको प्रहरीको प्रारम्भिक अनुसन्धानबाट खुलेको छ । दुवै सवारी साधन इटहरी प्रहरीको नियन्त्रणमा रहेको र फरार पिकअप चालकको खोजी कार्य भइरहेको प्रहरीले जनाएको छ । घटनाको विषयमा थप अनुसन्धान भइरहेको प्रहरीले जनाएको छ ।
