सुनसरी / झापामा हात्तीको आक्रमणबाट एक पुरूषको जनाको मृत्यु भएको छ । बाह्रदशी गाउँपालिका-१ बस्ने ३७ वर्षीय जगतबहादुर भुजेलको मृत्यु भएको प्रहरी कार्यलय झापाले जनाएको छ ।
आज दिउँसो मंगलबार कचनकवल गाउँपालिका- १ स्थित पश्चिम देउराली चारकोशे सामुदायिक वनमा भुजेल घाँस दाउरा लिएर फर्किने क्रममा जंगली हात्तीले आक्रमण गरेको थियोे । घटनाको विषयमा थप अनुसन्धान भइरहेको प्रहरीले जनाएको छ ।
त्यसैगरी, मोरङको मिक्लाजुङ्ग ६ कसेनीमा गएराति स्थानीय मनमाया भण्डारी र मिक्लाजुङ्ग वार्ड न ७ की मेनुका मगरको घर जंगली हात्तीले भत्काएको छ । करिब १ महिनादेखि नै हात्तीले मोरङका लेटाङ,केराबारी,सुन्दरहरैचा,बेलबारी लगायतका क्षेत्रमा बिध्वंश मच्चाउँदै आएको छ ।
