सुनसरी : झापाको दमकका मोटरसाइकलले ठक्कर दिँदा एक जना वृद्धको मृत्यु भएको छ ।
दुर्घटनामा दमक नगरपालिका–२ का ८६ वर्षीय हर्कबहादुर बुढाथोकीको मृत्यु भएको हो । पूर्वबाट पश्चिमतर्फ जाँदै गरेको मे १० प ८२१० नम्बरको मोटरसाइकलले दमक – २ स्थित भित्री सडकखण्डको सनराइज बोर्डिङ स्कुलअगाडि मंगलबार साँझ बुढाथोकीलाई ठक्कर दिएको इलाका प्रहरी कार्यलय दमकले जनाएको छ ।
- Advertisement -
दुर्घटनामा परेर गम्भीर घाइते भएका उनको उपचारका क्रममा विराटनगरको नोबेल शिक्षण अस्पतालमा आज बिहान मृत्यु भएको प्रहरीले जनाएको छ । दुर्घटनालगत्तै मोटरसाइकल चालक फरार भएकाले चालकको खोजी तीव्र पारिएको प्रहरीले जनाएको छ । दुर्घटनाको विषयमा प्रहरीले थप अनुसन्धान गरिरहेको छ ।
