मोरङ | मोरङको सुन्दरहरैँचा नगरपालिका-५ दुलारीमा आइतबार दिउँसो हायसको ठक्करबाट साइकल यात्रीको मृत्यु भएको छ। पूर्व–पश्चिम राजमार्गमा पश्चिमबाट पूर्वतर्फ जाँदै गरेको बागमती प्रदेश ०८–००१ च ०४७ नम्बरको हायसले सडक पार गर्दै गरेको साइकललाई ठक्कर दिएको हो।
दुर्घटना दिउँसो ३ बजेतिर भएको थियो। ठक्करबाट सुन्दरहरैँचा–४ का ४४ वर्षीय चन्द्रकुमार राई गम्भीर घाइते भएका थिए। उनलाई तत्कालै बीपी कोइराला स्वास्थ्य विज्ञान प्रतिष्ठान, धरान लगिएको थियो, तर उपचारकै क्रममा दिउँसो ४:३५ बजे चिकित्सकले मृत घोषणा गरेका थिए।
प्रहरीले ठक्कर दिने हायस र चालक झापा भद्रपुर नगरपालिका–८ का २६ वर्षीय विशाल दासलाई नियन्त्रणमा लिएको छ। घटनाको सम्बन्धमा थप अनुसन्धान भइरहेको मोरङ प्रहरीले जनाएको छ।
