गुल्मी । गुल्मीमा १२ बर्षीया बालिका बला’त्कार गरेको आरोपमा एक पुरुष पक्राउ परेका छन् ।
जिल्लाको इस्मा गाउँपालिका ४ दोहली कुबिन्देका ३७ बर्षीय भुपाल अधिकारीलाई बालिका बला’त्कार गरेको आरोपमा पक्राउ गरेर थप अनुसन्धान भइरहेको जिल्ला प्रहरी कार्यालय गुल्मीका प्रवक्ता प्रहरी नायव उपरिक्षक माधवराज खरेलले जानकारी दिए ।
अधिकारीले मंगलबार फुपुको घरमा आएका बेला बालिकालाई फकाइफुल्याई खरबारीमा लगेर बला’त्कार गरेको प्रहरीले जनाएको छ । बला’त्कारपछि फरार आरोपित अधिकारीलाई खोजतलासपछि पक्राउ गरिएको खरेलले बताए ।
गत आर्थिक बर्षमा १६ बला’त्कार, एक बला’त्कार प्रयास, एक बालबालिका बिरुद्धको कसुर एक र दुई बालयौन दुरुपयोगका मुद्धा जिल्ला प्रहरी कार्यालय गुल्मीमा दर्ता थिए ।
त्यस्तै आर्थिक बर्ष ०७७/०७८ मा १६ बला’त्कार, पाँच बला’त्कार प्रयास र तीन यौन दुव्र्य’बहारका मुद्धा प्रहरीमा दर्ता भएको जिल्ला प्रहरी कार्यालय गुल्मीका सूचना अधिकारी माधवराज खरेलले जानकारी दिए । त्यस्तै आर्थिक बर्ष ०७६/०७७ मा १३ बलात्कार, दुई बला’त्कार प्रयास र दुई यौ’न दुव्र्य’बहारका मुद्धा प्रहरीमा दर्ता भएको खरेलले बताए ।
