काठमाडौं महानगरपालिकाका मेयर बालेन्द्र साहलाई गालिगलौज गरेको आरोपमा जोगी भेषका एक जना समातिएका छन् । ती नक्कली जोगीलाई साहको सिनामंगल, गैरीगाउँस्थित निवास बाहिरबाट पक्राउ गरिएको बताइएको छ ।
जोगीको भेषमा आएका उनले मेयर बालेन साहलाई अपशब्द प्रयोग गरिरहेको अवस्थामा प्रहरीले हिजो राति ९ बजेको समयमा नियन्त्रणमा लिएको हो । उनलाई गौशालास्थित प्रहरी वृत्तमा पुर्याएर थप अनुसन्धान थालिएको जानकारी दिइएको छ ।
