रामेछाप — रामेछापको दोरम्बा शैलुङ गाउँपालिका-५ गुन्सालमा जन्ती लिएर लखनपुरतर्फ गइरहेको जिप आइतबार साँझ दुर्घटना हुँदा १५ जना घाइते भएका छन् । घाइतेमध्ये ६ जनाको अवस्था गम्भीर छ । घाइते सबैलाई उपचारका लागि एम्बुलेन्सबाट राष्ट्रिय ट्रमा सेन्टर काठमाडौं पठाइएको छ ।
जिल्ला प्रहरी कार्यालय रामेछापका प्रहरी नायव उपरीक्षक होमबहादुर पराजुलीका अनुसार टोकरपुरको रजमानटारबाट जन्ती बोकेर गुन्सालको उकालो जाँदै गरेको बलेरो पछाडि सर्दै सडकमा पल्टिएको हो ।
दुर्घटनामा लखनपुर जागुका खड्गबहादुर श्रेष्ठ, मेघबहादुर श्रेष्ठ, स्वस्तीका श्रेष्ठ, टंक श्रेष्ठ र डिलबहादुर श्रेष्ठलगायत १५ जना घाइते भएका छन् । क्षमताभन्दा बढी यात्रु भएका कारण दुर्घटना भएको हुन सक्ने प्रहरीको प्रारम्भिक अनुमान छ । जिप चालक प्रहरीको सम्पर्कमा छैनन ।
