मोरङ | मोरङको सुनवर्षीमा मंगलबार राति एक दुर्खद मोटरसाइकल दुर्घटना भएको छ। जिल्ला प्रहरी कार्यालय मोरङका अनुसार, दुर्घटनामा एक जना पुरुषको मृत्यु भएको छ।
प्रहरीका अनुसार, झपडतल–खिर्किडाँगी भित्री सडक खण्डमा राति ८ बजे को १ प ६३४८ नम्बरको मोटरसाइकलले सुनवर्षी नगरपालिका-६ का ५० वर्षीय सुरेन दासलाई ठक्कर दिएको हो ।
चौंकाउने कुरा के छ भने मोटरसाइकल चलाउने व्यक्ति १५ वर्षीय बालक रहेको खुलेको छ। पैदल हिँडिरहेका दासलाई मोटरसाइकलले ठक्कर दिएको प्रहरीले जनाएको छ।
प्रहरीले मोटरसाइकल र १५ वर्षीय चालकलाई नियन्त्रणमा लिएको छ।
