हेटौँडा | बुधबार साँझ परेको चट्याङले मकवानपुरको कैलाश गाउँपालिकामा एक बालकको ज्यान गएको छ भने अर्को व्यक्तिलाई गम्भीर चोट लागेको छ।
प्रहरीका अनुसार ज्यान गुमाउने बालक कैलाश गाउँपालिका–९, थामलेकका १४ वर्षीय कान्छा गोले रहेका छन्।
- Advertisement -
यसैबीच, बिहीबार बागमती गाउँपालिका–२, देउरालीगाउँमा चट्याङ लागेर ३२ वर्षीय कृष्णबहादुर श्रेष्ठ घाइते भएका छन्। प्रहरीका अनुसार श्रेष्ठको कम्मरभन्दा मुनिको भाग नचल्ने अवस्थामा पुगेको छ। उनको अवस्था मध्यम रहेको र राईगाउँ स्वास्थ्य चौकीमा उपचार भइरहेको जनाइएको छ।
हाल जिल्लामा वर्षाका कारण चट्याङका घटनाहरूमा वृद्धि भइरहेको भन्दै स्थानीय प्रशासनले सुरक्षित स्थानमा बस्न र चट्याङबाट बच्न सचेत रहन आग्रह गरेको छ।
