सुनसरी
इटहरी धरान लगायता देशभरका विद्यालयहरू आज आइतबार देखि भौतिक उपस्थितमा पठनपाठन सञ्चालन हुने भएको छ ।
कोरोना सङ्क्रमण जोखिमलाई मध्यनजर गर्दै बन्द भएका शैक्षिक संस्थाहरु फागुन १ देखि भौतिक उपस्थितिसहित पठनपाठन हुने भएको हो । विद्यालय, विश्वविद्यालयहरु, ट्युसन सेन्टरहरु सञ्चालनमा आउनेछन् । विद्यालय सञ्चालन गर्दा १२ वर्ष पूरा भएका विद्यार्थीका हकमा नियमितरुपमा तथा १२ वर्ष पूरा नभएका विद्यार्थीका हकमा आलोपालो दिनमा कक्षा सञ्चालन गर्ने जनाइएको छ । यसअनुसार अधिकांश विद्यालयले विद्यार्थीका लागि विद्यालय आउन अनुरोधका साथ सूचना समेत जारी गरिसकेका छन् ।
सरकारले जनस्वास्थ्यका मापदण्ड पालना गर्दै पठनपाठन गर्न भनेको छ । जिल्ला प्रशासन कार्यालय सुनसरीको निर्णयलाई समेत आधार मानी स्कुल खोल्न अनुमति दिइसकेकाले इटहरी धरान लगायताका विद्यालय आजबाट खुल्ने भएको छ ।
