सुनसरी / गछिया खोलाले बगाएर मोरङको सुन्दरहरैँचा- ६ सिसौघारीका ५८ वर्षीय रामबहादुर विकको मृत्यु भएको छ ।
उनी हिजो सोमबार बेलुकादेखि हराइरहेका थिए । आज मंगलबार बिहान स्थानीयहरूले बाढीमा मृत फेला परेको देखेर प्रहरीलाई खबर गरेका थिए । घटनाको बारेमा थप अनुसन्धान भईरहेको प्रहरीले जनाएको छ ।
निरन्तर परेको अविरल वर्षाका कारण सिंघिया खोलामा आएको बाढीले १७५ परिवार विस्थापित भएका छन् । उता, विराटनगर र कटहरी गरि १७५ परिवार विस्थापित भएको प्रहरीले जनाएको छ । जिल्ला प्रहरी कार्यालय मोरङका अनुसार विराटनगरमा ४५ र कटहरी गाउँपालिकामा १३० परिवार विस्थापित भएका छन् ।
