सुनसरी : मोरङको विराटनगर – ४ मा दुई वटा मोटरसाइकल एकआपसमा ठोक्किँदा एकजनाको मृत्यु भएको छ भने दुईजना घाइते भएका छन् ।
लु १८ प ५४५६ र प्रदेश १–०२–०४२ प ६०४९ नम्बरको मोटरसाइकल गएराति आपसमा ठोक्किएका थिए । दुर्घटनामा दुवै मोटरसाइकलमा सवार तीनजना घाइते भएका थिए । उनीहरूलाइ उपचारका लागि विराटनगरस्थित नोबेल अस्पतालमा पठाइएको थियो ।
उपचारका क्रममा ५४५६ नम्बरको मोटरसाइकलमा पछाडि सवार स्थानीय २६ वर्षीय प्रकाश महतको मृत्यु भएको प्रहरी कार्यलय विराटनगरले जनाएको छ । अरू दुईजनाको सामान्य अवस्था छ भने उपचार भईरहेको छ ।
दुर्घटनामा संलग्न अर्का मोटरसाइकल चालक फरार रहेकाले खोजी भइरहेको छ । दुर्घटनाको विषयमा थप अनुसन्धान भईरहेको छ ।
