सुनसरी / इटहरी वडा नम्बर ४ मा मोटरसाइकल अनियन्त्रित भएर दुर्घटना हुँदा एक युवकको मृत्यु भएको छ ।
इलाका प्रहरी कार्यलयका अनुसार इटहरी -४ आर्मी क्याम अगाडि धरानबाट इटहरीतर्फ आउँदै गरेको को ३८ प ९१०७ नम्बरको मोटरसाइकल गएराति शुक्रबार १ बजेतिर दुर्घटना भएको हो ।
मोटरसाइकल आँफै अनियन्त्रित भइ दुर्घटना हुँदा मोरङको बेलबारी नगरपालिका वडा नम्बर – ५ बस्ने २६ वर्षीय राजेश चौधरीको मृत्यु भएको हो ।
उपचारका लागि धरानस्थित वीपी कोइराला स्वास्थ्य विज्ञान प्रतिष्ठान पठाइएपनि उपचारको क्रममा राति मृत्यु भएको प्रहरीले जनाएको छ । दुर्घटनामा गम्भीर घाइते भएका उनको टाउकोमा गम्भीर चोट लागेको थियो ।
मोटरसाइकल इलाका प्रहरी कार्यालय इटहरीले नियन्त्रणमा लिएको छ । मोटरसाइकल तीव्र गतिका कारण दुर्घटना भएको प्रारम्भिक अनुसन्धानबाट खुलेपनि घटनाको विषयमा थप अनुसन्धान भइरहेको प्रहरीले जनाएको छ ।
