ओखलढुंगा : आज ओखलढुंगाको सुनकोशी गाउँपालिका -९ बुलडाँडामा जिप दुर्घटना हुँदा चार जनाको मू´त्यु भएको छ ।
एकादशीको मेला भर्न गएको जीप दुर्घटना हुँदा ४ जनाको मू´त्यु भएको छ , १५ जना घाइते भएका छन् । ओखलढुंगाबाट च्यानम हुँदै ककनी मन्दिर जाँदै गरेको जिप प्रदेश -३-०१-०२२ च ९६९४ नम्बरको जिप आज बिहान दुर्घटना हुँदा जिपमा सवार १५ जना घाइते भएका छन् ।
घाइतेमध्ये चार जनाको अवस्था गम्भीर रहेको छ उनीहरूलाई हेटिकप्टरमार्फत काठमाडौं हाम्स अस्पतालमा लगिएको छ । मूत्यु हुनेमा ३५ वर्ष कि मिठुमाया मगर , १६ वर्ष कि तुलसा मगर , खगेन्द्र मगर र शान्तमाया मगर रहेका छन् ।
उनीहरू सबै सिद्धिचरण नगरपालिका १० का स्थानीय रहेको जिल्ला प्रहरी कार्यलय ओखलढुंगाले जनाएको छ । उनीहरू ककनी एकादशी मेला भर्न जाँदै गर्दा दुर्घटनामा परेका हुन् । दुर्घटनाको थप जानकारी आउन बाकि रहेको छ ।
