सुनसरी / पूर्व पश्चिम राजमार्गस्थित धनुषाको मिथिला नगरपालिका- ३ हरिहरपुरमा आज बिहान दुई ट्रक एकआपसमा जुध्दा तीन जनाको मृत्यु भएको छ भने एक जना गम्भीर घाइते भएका छन् ।
आज बिहान ४ बजे पश्चिमबाट पूर्वतर्फ गइरहेको ना ६ ख ६५७८ नम्बरको ट्रक र विपरीत दिशाबाट आइरहेको प्रदेश १-०२-००१ ख ९२९२ नम्बरको ट्रक एकआपसमा जुधेर दुर्घटना भएको हो ।
ठक्करबाट ना ६ ख ६५७८ नम्बरको ट्रकका चालक सुनसरीको इनरुवाका का २७ वर्षीय सागर चौधरी सोही ट्रकका सहचालक सुनसरी भरौलका ३० वर्षीय अर्जुन चौधरी र प्रदेश १-०२-००१ ख ९२९२ नम्बरको ट्रक चालक मोरङको बेलवारी – ८ का ४४ वर्षीय लोकमान थापाको मृत्यु भएको जिल्ला प्रहरी कार्यलय धनुषाले जनाएको छ ।
सोही ट्रकका सहचालक सर्लाहीको बाग्मती ११ का नारायण श्रेष्ठ गम्भीर घाइते रहेको प्रहरीले जनाएको छ । उनको ढल्केवरस्थित एक निजी अस्पताल उपचार भइरहेको छ । तीन जनाको उपचारका क्रममा मृत्यु भएको थियो । घटनाको विषयमा थप अनुसन्धान भइरहेको छ ।