काठमाडौं । काठमाडौं महानगरपालिकाका नवनिर्वाचित मेयर बालेन साह काठमाडौंको फोहोर व्यवस्थापनको विषयलाई लिएर नुवाकोटको सिसडोल पुगेका छन् ।
मेयर साहले सिसडोल पुगेर स्थानीयको माग सम्बोधन गर्न आफू तयार रहेको र काम गर्ने वातावरण मिलाइदिन आग्रह गरेका छन् । स्थानीयले भने पहिला आफ्ना मागको सम्बोधन हुनुपर्ने पुरानै अडान दोहोर्याका छन् ।
मेयर साहले फोहोर विर्सजन गर्ने नुवाकोटको सिसडोललाई एक साताभित्र दुर्गन्धमुक्त बनाउने वचन दिएपनि स्थानीय भने साहको वचनमा सहमत हुन सकेनन् ।
उपमेयर सुनिता डंगोलसहितको शुक्रबार बिहान काठमाडौंको फोहोर विसर्जन गर्ने सिसडोल पुगेका साहले केमिकल हालेर एक साताभित्र त्यहाँ दुर्गन्ध आउने अवस्थाको अन्त्य गर्ने बताएका थिए ।
यो समाचार आजको राजधानी दैनिकमा प्रकाशित छ ।