बागलुङ: बागलुङ जिल्लाको काठेखोला गाउँपालिका-१ एकपाटा पुष्पलाल मध्यपहाडी लोकमार्ग जीप दुर्घटना हुँदा जिपमा सवार चार जना घाईते भएका छन् ।
गलकोट नगरपालिका-३ हटियाबाट बागलुङ बजार आउँदै गरेको ३-०१-००३ च ८६२५ नम्बरको गाडी काठेखोला-१ एकपाटा मध्यपहाडी लोकमार्ग बाट १० मिटर तल खस्दा चालक सहित चार जना घाईते भएको जिल्ला प्रहरी कार्यालय बागलुङका प्रहरी नायव उपरीक्षक मदन केसीले जानकारी दिए ।
जीपमा सवार गलकोट नगरपालिका-३ हटियाकी ५२ बर्षिया नितु श्रेष्ठ, ५४ बर्षिय बिरबल श्रेष्ठ, ५९ बर्षिय कृष्ण श्रेष्ठ र चालक २६ बर्षिय अविशेक श्रेष्ठ घाईते भएको बताए । घाईतेहरुको धौलागिरी अस्पताल बागलुङमा उपचार भइरहेको र उनीहरुको अवस्था सामान्य रहेको उपरीक्षक केसीले बताए ।बेक फेल भएर जीपजिप दुर्घटना भएको बताईएको छ ।
