तनहुँ: तनहुँको बन्दीपुरमा बालवाहक ट्रक पल्टिएर घरमा ठोक्किँदा तीन जनाको मृत्यु भएको छ । सो दुर्घटनामा परी अन्य ५ जना घाइते भएका छन् ।
बुधबार बिहान साढे ९ बजेतिर बन्दीपुर गाउँपालिका–५ आँधीखोलास्थित पृथ्वी राजमार्ग सडकखण्डमा डुम्रेबाट मुग्लिनतर्फ जाँदै गरेको ना ४ ख १९७३ नं.को ट्रक अनियन्त्रित भइ सडकको छेउमा रहेको सुनमाया भुजेल र सनबहादुर भुजेलको घरमा ठोक्किएको थियो ।
दुर्घटनामा ८ जना घाइते भएको चितवनस्थित पुरानो मेडिकल कलेज भरतपुर पठाएकोमा ३ जनाको उपचारको क्रममा अस्पतालमा मृत्यु भएको जिल्ला प्रहरी कार्यालय तनहुँले जनाएको छ ।
तनहुँका प्रहरी नायव उपरीक्षक मोहनबहादुर खाँणका अनुसार मृत्यु हुनेमा तनहुँ बन्दीपुर गाउँपालिका वडा नं. १ बस्ने वर्ष १२ को आयुश भुजेल, वर्ष ५० को चेतबहादुर घर्ती र ६९ वर्षका सनबहादुर भुजेल रहेको खाँणले बताए । अन्य पाँच जनाको भरतपुरमा उपचार भइरहेको प्रहरीले जनाएको छ ।
