हेटौंडा: मकवानपुरमा आफैं लुकीछिपी बसेर अपहरणको नाटक गर्ने एक जना पक्राउ परेका छन्। पक्राउ पर्नेमा राक्सिराङ गाउँपालिका-५ का ४६ वर्षीय कुमार प्रजा रहेको जिल्ला प्रहरी कार्यालय मकवानपुरले जनाएको छ।
उनी आज बिहान ५ बजे मनहरी गाउँपालिका-४ स्थित नयाँबस्तीमा भन्ने स्थानमा सूर्यबहादुर प्रजाको घर नजिकैको अनुग्रह चर्चबाट पक्राउ परेका हुन्।
-Ads-
यही भदौ ३ गते बिहान साढे ११ बजेको समयमा आफ्नो घरबाट हराई परिवार समेतसंग सम्पर्क बिहिन भएका मकवानपुर राक्सीराङ गांउपालिका बस्ने ४६ वर्षिय कुमार प्रजाले आफै लुकेर बसेर अपहरणको नाटक गरेकाले पक्राउ गरिएको जिल्ला प्रहरी कार्यालय मकवानपुरका प्रहरी उपरिक्षक सीताराम रिजालले बताए ।
पक्राउ परेका कुमारमाथि थप अनुसन्धान भइरहेको एसपी रिजालले बताए।
