काठमाडौं – राष्ट्रिय परीक्षा बोर्डले माध्यमिक शिक्षा परीक्षा (एसईई) २०८० को नतिजा आज प्रकाशित गर्दैछ। बोर्डको बैठकपछि नतिजा सार्वजनिक गरिने जनाइएको छ।
यस वर्ष सैद्धान्तिक र प्रयोगात्मक अंक छुट्टाछुट्टै प्रकाशित गरिनेछ। सैद्धान्तिकतर्फ ७५ अंकमध्ये २७ अंक (३५%) नल्याउनेलाई नन ग्रेडिङ (एनजी) दिइने बोर्डले जनाएको छ । गत चैतमा भएको परीक्षामा नियमिततर्फ ४ लाख ६७ हजार र ग्रेड वृद्धितर्फ २१ हजार परीक्षार्थी सहभागी थिए।
नतिजा हेर्ने माध्यमहरू:
वेबसाइटहरू:
- -www.see.gov.np (परीक्षा नियन्त्रण कार्यालय)
- www.neb.gov.np (राष्ट्रिय परीक्षा बोर्ड)
- www.see.ntc.net.np (नेपाल टेलिकम)
- अन्य: एकान्तपुर, एजुकेशन सञ्जाल, अयोरिजल्ट आदि
एसएमएस सेवा:
- नेपाल टेलिकम
- स्मार्ट टेक्नोलोजी
- जनकी टेक्नोलोजी
- इजी सर्भिस
- आकाश टेक
आईभीआर (IVR) सेवा:
- नेपाल टेलिकम मार्फत
परीक्षा नियन्त्रक नन्दलाल पौडेलका अनुसार, केही प्राविधिक कामहरू बाँकी रहेकोले नतिजा प्रकाशनमा केही ढिलाइ भएको थियो। विद्यार्थी, अभिभावक र शिक्षकहरूले माथि उल्लेखित माध्यमहरू प्रयोग गरी सजिलै नतिजा हेर्न सक्नेछन्।
नतिजा हेर्दा कुनै समस्या आएमा सम्बन्धित सेवा प्रदायक वा परीक्षा बोर्डमा सम्पर्क गर्न सकिनेछ। यस वर्षको नतिजाले विद्यार्थीहरूको शैक्षिक प्रगतिको मूल्यांकन गर्नुका साथै उच्च शिक्षाको लागि महत्त्वपूर्ण आधार प्रदान गर्नेछ।
