काठमाडौं | अविरल वर्षाका कारण गत जेठ २८ गतेदेखि नेपालका विभिन्न स्थानमा आएको बाढी, पहिरो लगायतका विपद्मा परी बुधबार दिउँसोसम्म १ सय ७४ जनाको मृत्यु भएको छ। प्रहरीका अनुसार, प्रदेशगत रूपमा मृत्यु हुनेको संख्या यसप्रकार छ:
गण्डकी प्रदेशमा सबैभन्दा बढी ५४ जना, बागमती प्रदेशमा ३१ जना, लुम्बिनी प्रदेशमा ३३ जना, कोशी प्रदेशमा २६ जना, सुदूरपश्चिम प्रदेशमा ११ जना, मधेस र कर्णाली प्रदेशमा ८-८ जना र काठमाडौँ उपत्यकामा ३ जनाको मृत्यु भएको छ।
यसैगरी, २२ सय ४ जना घाइते भएका छन्। घाइतेहरूलाई स्थानीय अस्पतालमा उपचार गराइएको छ। प्रहरीले १ सय १३ जनाको उद्धार गरेको जनाएको छ।
विपद्का कारण ४९ जना बेपत्ता भएका छन्, जसमध्ये बागमती प्रदेशमा सबैभन्दा बढी ४१ जना छन्। बेपत्ताको खोजी कार्य जारी रहेको प्रहरीले जनाएको छ।
यस विपद्ले ३ सय ८४ घर डुबानमा परेका छन्। २ सय ८६ घर, १ सय ४ गोठ, ४८ पुल, २ विद्यालय र २ सरकारी कार्यालयमा क्षति पुगेको छ। ८ सय १६ पशु चौपायाको मृत्यु भएको र ४ हजार ४ सय ३ घरपरिवार विस्थापित भएको प्रहरीले जानकारी दिएको छ।
