मृत्युको भयले
थिलथिलो भएको उसलाई
सबैले मृत्युको भय देखाए
कसले मार्ने र कसले बचाउने भन्ने उदघोषका साथ।
सायद मार्ने आशय बोकेका जति संहारकर्ता महादेवका भक्त थिए
बचाउने आशय बोकेका पालनकर्ता विष्णुका भक्त थिए
उसको असफलता को कामना गर्दै
ती रमिते भीड
उसको असफलताको गान गाउन थाले ।
कोही कसैबाट केही पाउने आशामा थिए
त्यसैले सबैले खोजे
आशालाई पुरा गरिदिने व्यक्ति
उसले हेरेर हाँसिदियो ।
उसले ईश्वरको भक्ति गर्यो
अनि सोध्यो
“प्रभु के हो असफलता ?”
ईश्वरले उसलाई जवाफ दिए
“आफ्नो इच्छा र आशा पुरा नहुनु पहिलो असफलता हो ।”
