हेटौंडा | जिल्ला अदालत मकवानपुरले तीन वर्षअघि बहुविवाह मुद्दामा दोषी ठहर गरेकी ३४ वर्षीया सानु घिसिङलाई प्रहरीले पक्राउ गरेको छ।
घिसिङलाई मंगलबार हेटौंडा उपमहानगरपालिका-३ स्थित घरबाट पक्राउ गरिएको हो। अदालतले २०७९ चैत महिनामा घिसिङलाई ११ महिना १८ दिनको कैद र १० हजार रुपैयाँ जरिवाना तोकेर दोषी ठहर गरेको थियो।
प्रहरीले घिसिङलाई अदालतको आदेश अनुसार कैद भुक्तानीका लागि पेश गरेको छ र उनलाई क्षेत्रीय कारागार भीमफेदी पठाइएको छ। चालु आर्थिक वर्षको अवधिमा प्रहरीले ४० जना फरार अभियुक्तहरुलाई अदालतमा पेस गरेको जानकारी जिल्ला प्रहरी कार्यालय हेटौंडाका प्रहरी नायव उपरीक्षक श्यामु अर्यालले दिए।
