सुनसरी / झापामा जुवा खेलिरहेको अवस्थामा प्रहरीले पाँच जनालाई पक्राउ गरेको छ ।
बुद्धशान्ति गाउँपालिका- ४ झोडा बस्ने ३० वर्षीया तुलसा ओलीको घरमा जुवा ‘कौडा’ खेलिरहेको अवस्थामा ओली समेत ५ जनालाई बुधबार राति प्रहरीले पक्राउ गरेको छ ।
उनको घरमा जुवा खेलिरहेको भन्ने बिशेष सूचनाको आधारमा ईलाका प्रहरी कार्यालय धुलाबारीबाट खटिएको प्रहरीले उनीहरूलाई नगद ४७ हजार ५ सय रूपैयाँ र कौडा १६ थान सहित फेला पारी पक्राउ गरेको हो । पक्राउ परेकाहरूको जनाको पहिचान खुलाएको छैन । यस विषयमा प्रहरीले थप अनुसन्धान गरिरहेको छ ।
