सुनसरी / झापाको मेचीनगर नगरपालिका- १३ चारआली बजारमा ट्रकको ठक्करबाट मोटरसाइकलमा सवार रहेकी एक युवतीको मृत्यु भएको छ ।
इलाका प्रहरी कार्यलय चारआलीका अनुसार इलामको रोङ गाउँपालिका- ६ की २३ वर्षीया उषा राईको मृत्यु भएको हो ।
ना ८ ख ३३३६ नम्बरको ट्रकले मे ७ प १७२७ नम्बरको मोटरसाइकललाई ठक्कर दिँदा घाइते भएकी उनको उपचारका क्रममा बीएन्डसी अस्पताल बिर्तामोडमामा मृत्यु भएको हो ।
ठक्कर दिने ट्रक र चालक पाँचथर मिक्लाजुङका सुन्दर राज आङदाम्बेलाई इलाका प्रहरी कार्यालय धुलाबारीले नियन्त्रणमा लिई घटना सम्बन्धमा थप अनुसन्धान गरिरहेको छ ।
